黎到今次行程嘅最後一日喇
一早趁佢兩父子仲訓緊
一個人落去便利店拎書同埋買早餐
快 d 起身喇細佬
我地要執野走架喇
貓哥哥都留個倩影先
一起身又食蕉
要走喇, 好唔捨得呢度
玩多一陣先
再見喇, 我地下次有機會再黎啦
首先放低個大牛龜行李先
帶左兩個喼, 點知完全無買到野
都好, 租少個 locker
揀一個易記嘅 no
呢個小朋友明明唔識玩
見到有車駕就坐左上去先
百貨公司入面試玩
我第一次見到 Masha 公仔咋
可惜太貴我唔捨得買
我係 PJ Mask Gekko
踩上去會發光嘅琴鍵
霆霆覺得好新奇
喺上面跳左好耐
之後黎到騎士堡
諗住比霆霆玩一陣
但望下個價錢
實在太貴囉
即時上網睇下附近仲有無呢類樂園
真係比我搵到左營站有間"快樂小熊"
睇過 d comment 話滑梯超高超斜
當時同 baba 講左呢個情況
佢話唔驚, 唔緊要
ok, 又唔係我玩, 無所謂啦
一入到去霆霆咩都唔理
第一時間衝左上去滑梯上面
搞到我呢要追住佢上去
坐好晒準備 sir 落去
即時比我叫住左
因為下面都幾深
sir 落去會比 d 波淹沒
都係等 baba 喺下面接住安全 d
教左佢兩隻手要交叉放係心口
可能佢落嗰下先識驚
打開左對手諗住可以減速
陰公豬, 落到去真係淹沒左
45度嘅滑梯真係頗恐怖
我自己都唔敢 sir
慢慢行返落去.....wakakakaaa
轉個頭, 比 baba 呃左佢 sir 呢條
我都話左呢條仲激
Baba 又唔信, 話轉彎速度無咁快
結果個仔就係咁"噠"落黎
小朋友, 你都係坐下車仔算啦
小朋友嘅世界真係好簡單
雖然大家言語不通
但一樣可以一齊玩得好開心
又去玩下沙
呢度 d 沙係決明子黎架
完全唔會整污糟 d 衫
真係咁都比佢地諗到
呢度好多車仔比佢玩
每部玩一陣, 好忙
呢個野佢已經玩熟左
好輕易咁就跳左上去
另外呢條滑梯就好特別
係比你爬, 唔係比你 sir
馬騮仔霆霆好快就爬到上頂
呢條係3條滑梯入面最唔驚嘅一條
可惜霆霆已經比前兩條嚇怕左
唔肯再玩
但佢就好中意喺個波波池入面
比 d 波淹沒左
個傻豬玩得好開心
差唔多要走喇
我地仲要預時間食 d 野先去機場
是旦去左一間食
玩到餓, 成塊雞扒拎住食
一上 uber 就訓著
訓到 check in 完都未醒
小朋友真係乜都可以玩一餐
話佢知前面有個兒童遊戲區
一支箭咁飛左去唔理我地
史迪仔機長
仲有史迪仔卡通
仲有紙同蠟筆比你印畫
霆霆開頭都唔識架
之後 Baba 教佢點做
自己成功整左一幅
竟然比佢搵到有架火車仔
兩父子你追我逐
真係玩到最後一刻上機前都仲有得佢玩
上機 lu, 咁就玩左 5 日喇
今次呢個高雄墾丁玩樂遊
成個行程真係為左霆霆而 plan
玩足 5 日嘅佢好開心囉
雖然我地兩老無買野無行街
不過霆霆玩得開心就夠啦
