做苦工

阿爹阿娘去風流快活，呢幾日我要寄人籬下，好彩我一向都係世界仔一名，去邊都應該唔成問題，何況飛爺好愛我，呢幾日應該好食好住！ 大家唔使擔心我！

打到黎

話說家陣仲係一號風球，不過聽聞今次呢隻"天兔"來勢凶凶，仲話會嚴重影響香港，搞到一眾C9 兵團四出搶購糧食，好似話街市已經無肉無菜賣！好彩，我屋企一向儲備充足，3日唔出門都應該唔成問題，就算真係打到黎，我都唔係幾擔心，事關我一直養住隻豬仔，有咩e郁，咪切住半斤頂住先囉，應該可以捱到一排！

收爐 - 貓記月餅

仲有兩日就中秋，黎緊兩晚都要去做節，唔得閒整月餅，其實整完大阪燒已經好累，不過為左幫阿貓巴結ｄ老友，再累都要開壇整餅，整埋呢轉，真係要收爐等出年喇！

今次用紫色蕃薯，上次買錯左黃色，整出黎唔靚！

中間粒餡用左我愛兒最鍾意o既雞肉！

每個餡都要秤好左先，唔係就會包得唔好！

整好個餡，就輪到個餅皮喇！

ｄ小朋友基本上係”吞”食物，而唔會咬！所以我都只係求求其其咁搓左個皮就算！唔好浪費我ｄ心機！

餅皮都一樣係要秤，唔係到時太薄好易穿，太厚個月餅模又裝唔哂！

一個個印好哂！

今年已經唔知係第幾年整喇，整得多有哂經驗，開始似樣！

焗好左，再掃蛋液o係上面，再焗，咁就完成哂架喇！

第一次整大阪燒

呢排突然愛上大阪燒，好掛住之前o係 CWB o個間，可以自己揀鍾意o既材料，又可以自己動手整，好玩又好食，不過好可惜，o個間野已經執左，唯有自己o係屋企試下整啦！

首先要篩左ｄ麵粉先，平時整阿貓野，我唔會過篩架，自己食又唔同！

跟住我買左ｄ蝦，魷魚，椰菜同煙肉，

麵粉加左ｄ鹽之後，就加水開成糊仔咁！

倒一碗仔麵糊，加ｄ椰菜，再加隻蛋，之後撈下佢！

ｄ材料我切細左，應該容易熟，所以我加埋落去！

落鑊煎喇！屋企個平底鑊有坑紋，所以用個大鑊煎，不過都無乜大問題！

煎到咁上下，ｄ粉開始凝固，就可以落埋塊煙肉，之後就反得！

不過”反”呢個部驟對我黎講唔易，好易散，好彩有貓爸出手相助！

最後，加ｄ燒汁同沙律醬就完成喇！

開左o既麵糊夠我煎兩大個，雖然我覺得好好食，不過正在減肥o既我實在唔敢食太多，兩個人食唔哂，下次可以將份量減半！ 

特別鳴謝全晚對我不離不棄o既貓大爺，雖然我知道佢死守廚房o既目的係執死雞，不過有佢o係身邊都係一件好開心o既事！

休閒星期六

今日星期六，難得短週唔使返工，帶貓貓去佢最鍾意嘅cafe 食早餐!

肥貓最鍾意黎呢度，因為呢度d 姐姐好鍾意佢，仲會請佢食野！

平時多數都係比一個包包狗仔，肥貓就多兩塊餅，因為知佢大食又為食！

呢兩個包係我地嘅！

Mocha。。。

超大份早晨全餐，一餐可以當兩餐食！

貓大爺８歲壽辰

尋日係貓爺８歲生日，作為娘親既我，無時間為佢準備生日蛋糕，唯有o係晚餐方面補償下佢啦！趁住中午食飯時間，去左 City'super 買今晚 Tepanyaki 所需要既材料！

呢兩碟係我同貓爸既

呢塊 Angus 係專登買比貓爺既

生菜包肉，感覺上食左無咁有罪惡感

Kimchi 對我黎講係必備，少左佢我無哂胃口

貓爺好緊張呀，未開始已經想偷食

麻油加鹽，配豬腩肉一絕

韓國麻油，好香架

貓爺埋哂位，好心急想開始

豬腸係上次食剩既，唔好浪費

哇哇哇．．．．用生菜包住食，我個人一次可以食１０個

等．等．等

牛扒燒好，切好粒先比貓爺品嘗

睇下貓爺個緊張樣，就知塊牛扒有幾咁香

熱情果酒 + 梳打，賣飛佛

食完晚餐，仲有第二攤，就係香蕉橙汁，貓婆婆每個星期都買香蕉比佢食，我地就鍾意拎佢黎打果汁

係呢個傻老豆先會每日打汁汁比佢飲，比我睬佢都傻，我自己想飲都懶打

緊張樣又再出現，佢飲慣左，知我地整緊ｄ乜

唔比佢飲，要佢 stay 番１０零秒，玩下佢先

總括黎講，呢餐生日飯都算係咁啦，係少左個蛋糕o者，不過睇貓爺既反應，佢對呢餐飯都應該係好滿意！^^

搬新家

一向唔係幾好用既 Yahoo Blog 終於終止服務，順理成章咁將我既 blog 轉過黎呢度啦！雖然我懶左好多，好耐都無寫 blog，不過新環境是底下，以後嘗試下勤力 d 啦！頭一篇 blog，就是是旦旦 upload 張生活照先啦！