第一次食BB米餅@6D15D

BB 真係有好多第一次

第一次笑

第一次笑出聲

第一次用手拎住野

第一次轉身

第一次轉哂成個身

第一次食固體

第一次 .................................

總之就有好多個第一次

其中有某 d 第一次

我已經 miss 左

無辦法啦

我無可能唔返工架嘛

所以盡可能

我想佢 d 第一次係同我一齊

好似第一次食固體咁

我唔想 miss 左個機會囉

最近小霆 bb 成日都牙痕

係咁拎我隻手黎咬

比 d 牙膠佢

咬咬下就掉落地

真係比佢激死

見小霆 bb 夠 6 個月

又食左粥仔一段時間

我諗佢應該識吞食物喇掛

所以我買左 d 餅仔比佢

一黎比佢止下牙痕

二黎比佢學下吞食物

呢d日本仔米餅

其實有幾個牌子都 ok

我自己就揀左 BeanStalk

打開裡面

係獨立包裝

唔會話開左未食得哂就"淋"哂

一盒五包

每包有兩片

小霆 bb 第一次食 "零食"

佢個樣就唔緊張

但佢阿娘我就好緊張

第一次自己拎住食物

佢好似有 d 無從入手

拎住塊米餅打橫就放埋口度

研究左三秒

佢終於識得打直食喇

我個仔真係 smart

(哈哈....我相信個個阿媽都當自己個仔係神童

請原諒我)

睇佢食得津津有味

見到都開心

成粒o係個口度

個傻仔覺得有 d 怪怪咁

"妹"下"妹"下咁

我諗佢應該吞到

不過好快佢又識得再放入口

第一次見佢咁樣食野

感覺真係唔同

覺得佢好得意

同平時餵佢食粥仔好唔同

睇佢食到連自己手都想食埋

就知佢有幾鍾意啦

呢 d 餅仔好處係遇水即溶

唔會o肯親 bb

但係呢個亦都係佢既缺點囉

你睇下小霆 bb 隻手

真係慘不忍睹

又要清潔一輪喇

不過我諗呢個只係開始

遲下佢自己食野

可能仲大鑊  >.<

誰說狗狗不能與BB一起生活?

有好多人有左 BB,

就開始諗緊需唔需要送走本身養緊既寵物,

我大肚o個陣,

都有朋友問過我,

"咁阿貓點呀? 幾時比人?"

又或者

"你唔好再養狗喇"!

Low b......每次一聽到呢個問題我就火冒三丈,

拜託唔好再問 d 咁 low b 既問題好唔好?

狗狗係絕對可以同 BB 一齊生活,

而且仲會對 BB 既成長好有幫助!

我家阿貓小時候的的確確係非常曳,

如果係o個陣有左細佬,

我都唔 sure 自己可以 handle 得好好,

不過阿貓依家已經 9 歲多 d,

性格已經變得好穩重,

(連體重都係.......)

所以我地一 d 都無擔心過佢同 bb 唔夾!

雖然貓貓依家暫時未可以同細佬一齊玩,

不過有時佢都會主動走埋去細佬附近訓覺,

但佢又會識得保持適當既距離 wor,

真係好神奇!

我成日都會同貓貓講:

"依家細佬仲細呀,

未識得同你玩住,

等細路大個 d,

就會同你玩, 比好多野你食, 仲會照顧你添架!"

佢又會側側頭咁望住我,

似明非明!

其實貓貓都好就細佬架,

每次細佬欺負佢,

佢都無反抗, 任佢玩,

最多都係自己行開,

見到咁, 我地都會覺得佢好生性,

真係不枉我錫左佢今多年呀!

睇下佢任細路踢呀, mit 呀都無反抗架,

堅係好乖仔!

貓二少寫真@6M9D by 貓媽

BB 六個月大

好多 Baba Mama 都會幫佢地影寫真留念

我當然都會咁做啦

不過我仲未揀定搵邊個攝影師幫手

所以自己膽粗粗試影一次先

以前我都幫阿貓影過一輯架

雖然外行左 d 

但係都睇得下

今次影細佬

估唔到難度比上一次更高

一個人o係無助手既情形底下

有咁既成績

我好滿意架喇