大尾督踏單車

小霆 bb 眨下眼已經有15個月大

佢出世前我地成日都會帶貓哥哥去大尾督行下

之後仲會去新娘潭o個邊行下山

好耐都無帶過貓貓去街

而小霆 bb 都未去過大尾督

今個週末就襯天氣唔錯

一家大細去玩下

細路仔第一次黎呢度

好緊張

個樣 on 居居

我地食佢又食

當然唔係食我地 d 食物啦

我帶左麵包比佢食

去郊外玩

蚊膏蚊貼絕對唔少得

尤其係小霆 bb 呢 d 

一比蚊咬到就會起水泡既特異體質

貓貓哥哥越老越可愛

佢阿娘我唔係認叻

今次真係醒

帶齊哂所需既野

包括.....吹泡泡

懶惰的貓哥哥

又匿埋抖涼

玩左陣再出發

自己識得扶住坐, 叻仔

貓貓熱到唔願郁

細佬唯有自己影啦

 

細佬都話熱熱

要飲啖水水先

貓哥哥真係老左喇

依家無以前咁好活力

哈哈, 細佬都熱到想訓

玩到夠哂

又差唔多夠鐘還車

我地都要返轉頭 lu

好到單車舖

細佬好似有 d 依依不捨咁

老闆好好人

借左部單車比細佬試踩

熱 c 辣辣

佢個肥阿娘頂唔住

要買野飲

又係比呢隻小鬼霸埋

當然我係強烈反對比佢飲檸檬茶啦

所以我地極速飲哂

之後先比個盒佢玩

睇佢個衰樣幾得戚

小朋友真係好天真

好容易就滿足

一合"吉"既檸檬茶都玩得咁開心

所以其實開心可以好簡單

唔使一定買好多玩具比佢地架

得閒帶佢地去玩多 d 仲開心