自從上次超短 5 天東京遊之後
我明白到帶小朋友去旅行
最少都要去 7 日囉
尤其係日本
所以今次我安排去九州
就用 7 日時間去 2 個地方
只係去福岡同熊本
雖然好似去好少地方咁
不過帶住阿仔就係咁架喇
今次佢話要帶埋 woody 去
我覺得最後都會係我"幫"佢帶住囉
一個喼? 當然唔會
我地係喼中喼
以前通常坐 cx
唔使排咁耐 check in
今次見機票咁平
試下坐 hk express
仲有時間
可以去 lounge 食 d 野先上機
到步後就去酒店放低行李先
細佬一入房就發現 ipad
第一時間衝埋去
今次我地住 Hotel Forza Hakata
房間唔係好大
但係感覺幾舒服
而且酒店地點好方便
離博多車站只係 2 分鐘左右
首先去左食野先
坐廉航無飛機餐真係有 d 唔慣
近近地去左食利久
好香呀......食一份都覺得唔夠
呢個薄牛舌就麻麻
估計細佬都唔係幾食呢 d
我自備左飯素比佢撈飯
曳小朋友將餐具掉左入去水樽入面
食完飯就行下街
見到公仔機有麵包超人
細佬想要, 爸爸梗係要做野啦
可惜夾唔到囉
跟住見到貓貓哥哥扭蛋
扭到蛋好開心
日本百貨公司真係好好
育嬰室又大設備又好
童裝部都多數有個地方比小朋友玩
只係喺呢度玩已經好滿足
又有幾日放監
平時無士多啤梨奶飲架
我地買左呢 d 做宵夜
睇 ipad 睇到唔捨得訓
最後當然係比咪咪鬧啦
終於肯訓喇
我都要養足精神聽日同佢搏鬥
沒有留言:
張貼留言