復活節第一彈

復活節4日假期

都唔知帶阿仔去邊度玩好

加上爸爸又要返工

實得2日可以去玩

第一日就帶阿仔去跳彈床啦

玩之前當然要補充下體力先

今日有叫叉燒包, 貓貓哥哥都有份食

食完踩一陣滑板車先

霆霆好中意睇金魚, 佢好想餵D金魚食野 

今日我地主要黎係玩呢 D

想玩彈床就要買券先

呢個傻豬咩都可以玩一餐

我地買左 10 張券, 加送 1 張

霆霆自己揀話想玩呢個

守秩序排隊入去

差唔多入得, 除定鞋仔先

入去之前要消毒下手仔

每次限 5 個小朋友

唔會太逼, 幾好

幾個小朋友就算大家唔認識都玩得好開心

玩完行去另一邊睇下仲有咩玩先

大草地呢邊多 D 野玩

遊戲設施都大座 D

霆霆見到有佢中意嘅 Slide 好開心

呢個好似好好玩咁

我地排隊玩呢個先

好玩嘅野特別多人排

霆霆排到想訓覺

好彩佢都好識自己找樂趣

 

自己揸實 D 券準備比姐姐

終於到霆霆喇

我覺得自己太少陪個仔去玩喇

原來霆霆已經長大左好多

連咁高嘅 slide 都夠膽爬上去

佢玩之前我仲擔心佢唔夠膽玩

我真係白擔心

睇下先.....我地仲有 3 張券

睇下玩 D 咩好

都係返商場嗰邊玩波波池

剛好用埋最後 3 張券 

呢邊咁細都一樣排左好耐

玩到夠晒鐘都唔捨得走

最後話帶佢去小火車嗰邊先得

一見到班馬仔就衝埋去

見到哥哥玩完海馬, 佢唔執輸又要玩下

小朋友其實好易滿足

就咁樣玩下就已經非常開心

唔知諗緊 D 乜, 戇居居咁

同場遇到個哥哥

有哥哥陪佢玩好開心

玩左一陣哥哥要返屋企喇

我地都差唔多要走 lu

今日雖然唔係去玩左好耐

不過都夠放電啦