Playgroup 畢業禮

Playgroup 都會有畢業禮

我真係好佩服 d 老師

皆因準備一個畢業禮絕對唔輕鬆

難得係有個機會比小朋友體驗下

我梗係覺得開心啦

不過今次呢個畢業禮真係好混亂

因為當日上午撞正 8 號風球

原先定左 11am 舉行

被迫要取消

但係戲劇性地好快又落左個 8 號

所以又臨時改左喺 2pm 舉行

真係趕到我一頭煙

我地去到學校

正在播緊佢地上堂嘅片段

學校仲準備左 d 禮物比小朋友

每個同學都有一個紙板公仔

老師好用心哦

真係笑死我

咁細個仔戴四方帽

唔知邊度學番黎

影親相都要 V 晒手

佢最鍾意嘅 Winky 老師

為左今次畢業禮

老師們仲教左佢地表演唱歌跳舞

一 d 都無怯場嘅霆霆好似突然大個仔晒

我真係估唔到佢咁叻仔

差 d 感動到喊呀

我的可愛小青蛙

老師們真係好愛錫 d 小朋友

私下訂左 d cupcake 送比佢地

霆霆自己揀左松鼠仔

仲有啫哩糖食添

有得食仲有禮物拎

個個小朋友都好開心呀

雖然跟住落黎霆霆就返 K1

唔會再喺呢度返 pg

不過如果有適合嘅興趣班

我都想比佢喺度讀呀

因為自從霆霆返左 pg 之後

成個乖左好多

肯聽我地講野

仲識多左好多野添

而老師又有愛心同耐性

所以如果有機會

我都想霆霆再喺呢度學習呀