收爐 - 貓記月餅

仲有兩日就中秋，黎緊兩晚都要去做節，唔得閒整月餅，其實整完大阪燒已經好累，不過為左幫阿貓巴結ｄ老友，再累都要開壇整餅，整埋呢轉，真係要收爐等出年喇！

今次用紫色蕃薯，上次買錯左黃色，整出黎唔靚！

中間粒餡用左我愛兒最鍾意o既雞肉！

每個餡都要秤好左先，唔係就會包得唔好！

整好個餡，就輪到個餅皮喇！

ｄ小朋友基本上係”吞”食物，而唔會咬！所以我都只係求求其其咁搓左個皮就算！唔好浪費我ｄ心機！

餅皮都一樣係要秤，唔係到時太薄好易穿，太厚個月餅模又裝唔哂！

一個個印好哂！

今年已經唔知係第幾年整喇，整得多有哂經驗，開始似樣！

焗好左，再掃蛋液o係上面，再焗，咁就完成哂架喇！