Avent 蒸煮攪拌器

小霆 bb 唔多 like 粥仔

搞到佢阿媽無得懶

又要搞搞新意思

只求個瘦仔食多幾啖

之前趁永安大減價

入定呢部蒸煮攪拌器

呢部野o係 mama 界都幾受歡迎

因為佢好用, 方便又衛生

蒸完, 調轉就可以隨即打爛

Steam, flip, blend and serve

一 take 過

隨機仲奉送食譜一本

買左二個月

終於開齋

第一次用

洗乾淨部機

蒸一蒸當消毒下先

蒸完再洗一洗佢

白粥唔鍾意

今次試下加 d 南瓜比佢

睇下會唔會好 d

每次用既時侯

需要整理既食物

要切細塊同唔可以太多

佢有條 max 線話比你知

加左水落個水箱

蓋埋個蓋

擰去蒸野o個度

根據食譜入面寫

南瓜只需要蒸 15mins

蒸完, 反轉就可以打爛

由於貪玩既關係

唔記得影相就一按.........

全部打爛哂

哈哈......真係太快太方便

上次將 d 粥仔整成冰

拎幾粒出黎蒸番熱佢

二少爺已經埋位睇住電視等食

未加粥仔前係南瓜湯

大少托細佬既福

無啦啦又有粥食

白粥蒸好

可以加埋落去 d 南瓜茸度

咁就變左南瓜粥 

睇下二少爺鍾唔鍾意先

暫時 ok wor

比起食白粥

佢更愛南瓜粥

今次終於可以安安定定咁食粥仔

另一邊廂阿大少

唔使講

佢無野唔 like 

不過睇得出佢"特別" like 呢款粥

食剩左既南瓜茸

一樣可以好似白粥咁冰左佢

留番下一次食既時候翻蒸就得

其實甘筍同其他菜都可以用呢個方法去儲存架

咁大家就唔使日日都買料又蒸又打爛

就可以好容易咁食到唔同款式既粥仔