鯨魚花園

2017年5月19日

星期五

點解星期五唔使返工可以帶阿仔去玩?

唉...因為阿仔上次返PG時

原來有母親節影相環節

而我又唔知道

得佢一個無人陪影相

好唔開心咁

所以決定要請一日假

帶佢返學, 接佢放學

再去玩餐飽補償下佢

呢個爸爸仲開心過個仔

其實呢條鯨魚 slide 都幾高

第一次帶佢玩時我都有 d 擔心

因為好多小朋友喺後面爭先恐後咁要滑落黎

不過我見佢識保護自己

之後都安心睇住佢玩

一落地就跑左去

追到我命都無 

呢個長頸鹿 slide 就適合年紀細嘅小朋友喇

無論點玩我都覺得好安全

一眨眼又爬左上去鯨魚個肚入面

一支箭咁又衝左入去上樓梯

依家好少公園會有呢個"氹氹轉"

細佬玩得超開心

我開頭仲擔心佢會暈

做阿媽嘅真係有D多餘嘅擔心

離開鯨魚花園

出左黎商場嘅中央公園

其實我就唔覺得話有D咩好玩

但可能大人同小朋友睇嘅野唔同啦

佢咩都玩得一餐

仲要係好開心嗰隻添

玩左陣我地又去左駕車

有左兩次經驗

今次技術好左好多呀

依家唔使人扶

仲學人玩到悶添

玩唔停, 跟住仲要玩彈床

依家叻仔架喇

識得自己比票姐姐又唔會怕醜

依家仲學識自己除鞋啦

之後仲會放喺凳仔下面

我真係比佢呢D舉動嚇左一跳

因為我從來無教過佢

玩彈床前要清潔下手仔先

衛生D嘛

閒日黎呢度玩嘅好處就係易泊車

食又唔使等位

不過其實假期多D小朋友一齊玩

又會再開心D囉