大美督踩車 + 菠蘿園

呢排天氣咁熱

都唔知帶佢地去邊度玩好

突然醒起好似有一段日子無去過大美督踩單車

一於黎個早場

希望無咁熱啦

照舊租部家庭車玩下

承惠120元

聽到嗰刻有點呆

好似貴左好多咁

但係一場去到無理由唔租囉

豪比佢啦

呢段路上落斜要落車推架

Baba 一個人搞掂啦

我負責影相就得

今日天氣好好呀

個天好藍

趁住無乜人

快 d 操下車先

勁大風呀

早知帶風箏黎玩啦

玩左陣我地又再上路喇

依家成日叫佢影相都要"v"手

貓哥哥有兩個小 fans

好得戚呀呢個小朋友

坐 Baba 大脾控制單車

還車前要拎定貓哥哥部戰車先

慢慢食個 lunch 再出發

是日第二個節目

就係去"菠蘿園"喇

我地泊低車喺錦上路地鐵站

再行大約 3 mins 就到喇

目的地就喺前面

兩兄弟影番張相先

呢個農莊可以 BBQ, 露營

(如果唔怕比蚊咬死的話)

山羊父子? 母子?

無留意到添

入到去首先買入場券先

呢個小朋友超無耐性囉

點解 d 衰野要似晒我

叫佢笑下比我影相

極度敷衍我

小山羊好可愛呀

細佬好勇敢

當佢係阿貓咁摸佢個頭仔

仲有兔仔添

我地買入場套票連飼料

所以可以餵佢地食野

仲包冰凍菠蘿汁一支

好正

細佬仔開頭餵小山羊食一條

邊夠架

梗係要成束餵先食得爽

點知呢隻小山羊都幾狼

扯左成束去

要 Baba 幫手拎番先得

Baba 教細佬要揸實

小山羊會自己扯出黎食

好叻叻架

呢隻大嘅山羊就要 Baba 去餵喇

佢食野好狼死架

好似幾年無食過野咁

但其實好多人餵囉

經指導後細佬都餵得好好喇

我地仲參加左個小游戲

嬴左 d 貼紙仔

  

呢度都仲有一隻

佢好似好伙食 d wor

放題任食

好得意嘅稻草人

前一日落左場大雨

呢個草地仲係好濕

叫住佢唔好落去玩又唔聽

最後一腳都係泥

呢塊就係菠蘿田

但我見 d 菠蘿都好似曬燶晒咁

無得摘其實都可以去士多買

好似 $80-90 一個

行左一個圈

實在太熱喇

坐低食 d 野先

特大真珠菠蘿油餐

整得好唔錯呀

最後我地掛埋個願望牌就返屋企嘆冷氣啦