個心成日好掛住福岡
上次去左 7 日都覺得好唔夠
9 月一開學, 有時間表之後
急不及待訂機票諗住快閃 5 日
見到聖誕長假期個價錢尚可接受
一於就嗰個時間去啦
話唔定可以過一個白色聖誕
雖然飛福岡算係好近
但係都係好想早 d 出發
結果又買左 0800 嘅機票
0615 我地就準時去到機場喇
呢個仔仲係未訓醒咁
個頭亂糟糟就出門口喇
機場入面都有好多聖誕場景
準備起飛喇, are u ready?
起飛無幾耐就訓左, very good!
機場細細, 行李好快就出左黎
買左兩張由機場到博多嘅車票
其實我發覺唔買都得
落車比 cash 都一樣
話咁快就到左博多站
唔止係我
連霆霆都覺得好似返左鄉下咁
D回憶番晒黎
連行路都格外得戚
原先諗住未夠鐘 check in
放低行李喺酒店先
晏 d 返去再 check in
點知佢地話房間剛好打掃完
提早比我地上房先
咁仲好, 可以慢慢執左 d 隨身物品先
呢個小朋友好心急囉
一到左日本就話要去 Anpanman 嗰度
咁我地就立即出發啦
由博多站去麵包超人博物館嘅中洲川端站
只需要搭兩個站
非常方便
落左車有晒指示教你去搵 Anpanman
霆霆上年已經見過
今次再見無乜驚喜
今次再去佢已經大個仔
識得自己跟住行
氣定神閒
到左就衝左去買入場券
叫佢比我影張相
超唔合作
皆因趕住去見偶像
影唔好唔比佢走
結果比左個作狀表情我
算啦, 懶得再影
今次入場嘅記念品唔同左
入到去捉都捉佢唔住
兩隻老野唯有跑住跟去
例牌每樣野都要摸下玩下
雖然係之前已經玩過
但興奮程度同第一次玩無分別
好似好叻咁教個妹妹開火
新鮮壽司有無人想買?
比錢先丫唔該
最中意嘅波波池
玩左一陣比我地捉左落去食野先
呢度 d 麵包整得好靚
而且價錢都唔算好貴
"豆沙重拳" 你個細菌小子
呢個時候牛奶妹妹喺現場WOR
但對霆霆黎講就跳彈床吸引 d
自己一個都可以跳得咁開心
入去餐廳睇下有咩食先
唔該...我想要一份兒童餐
咦....同我地屋企 d 餐具一樣嘅
有果汁飲, 正!
有野食未呀, 我好肚餓
呢個就係我嘅兒童餐
招牌式敷衍阿媽 post
有薯條食超開心
估唔到咁叻仔食晒個餐
呢碟意粉係我嘅, 又幾好味WOR
埋單唔使 2000 yen, 真係好抵
食完出黎見到細菌小子出場
仲帶埋佢個機械人添
雖然唔明佢地講緊乜野
但一樣睇得好投入
原來係機械人無電行唔到
咁點算好呢
結果係靠我地用掌聲去幫佢"加油"呀
表演完畢要返入去喇
Die hard fans 一直跟住
細菌小子突然間回頭
原來同 fans 抱抱講再見
霆霆成功埋身, 仲摸到佢肚仔
轉個頭去左機械人嗰度
竟然比機械人整住個頭
最後拖下機械人隻手同佢講再見
見到砵砵妹妹, 又去坐下先
Sir 完一次又一次
轉頭又去玩沙
仲有彈彈波
好意外呀, 突然見到蜜瓜包妹妹
佢好熱情咁攬住左霆霆
仲 back hug 霆霆添
搞到霆霆變左怕醜仔
臨走仲轉個頭過黎講 bye bye
似唔似坐住彩虹呢
我就覺得影得好一般
不過我 d 技術係咁上下, 無法
呢排霆霆都好乖
就獎佢食杯雪糕啦
其實係我見到隻杯咁靚好想買囉
聞下係咩味先
係霆霆最愛嘅朱古力呀
叫佢影相, 又比個例牌表情我
食完雪糕去左賣雪糕
仲發現河馬仔收埋好多糖果喺櫃入面添
突然間下面嗰層有聲音傳上黎
原來又到左表演時間
我地遲黎, 霸唔到頭位
霆霆跟住方包超人跳舞
見到佢睇得咁開心
我地都覺得好開心
完場 lu, 佢地過黎同小朋友握手道謝
霆霆好怕醜, 唔係好敢行埋去
佢擰過黎望住我
應該係想我鼓勵佢行埋去
之後佢都大膽左 d
雖然佢就係怕醜左少少
但佢肯守秩序都係一件好事
終於鼓氣勇氣去到方包超人面前握手
可惜佢阿娘比人阻住影唔到
每個角色都輪住過黎同小朋友握手道謝
好似開演唱會過黎同觀眾握手咁
好搞笑
同小精靈握握手
紅精靈
同咖哩包 high 5
方包超人又過左黎
今次終於比我影到喇
霆霆偶像麵包超人
捉到咁實, 開心C佢囉
臨走前影張大合照先
一離開麵包超人博物館就昏睡喇
我地就諗住返博多食個 dinner 之後早 d 休息
因為今朝大家都好早起身
養足精神聽日再去玩
返到博多霆霆仲訓緊
我地唔理佢啦
食左野先算
朝思暮想嘅牛腸窩呀
加埋 beer 簡直係一絕
食完晒霆霆都仲未醒
咁就由 baba 帶佢返房先
我就行一陣兼睇下有咩可以買比佢做晚餐
最後買左 d 壽司比佢
唔知佢中唔中意食
另外又買左 d 串燒同提子包
睇佢中意邊樣就食邊樣
當然唔少得嘅就係士多啤梨啦
霆霆見到都唔知幾興奮
呢個小朋友超級貪心囉
你睇佢咁食就知 d 士多啤梨有幾好味
食飽左唔肯訓
仲喺度跳跳跳
第一晚唔喺屋企訓心情係興奮 d
不過始終都係累
玩左一陣就齊齊瞓覺 lu
沒有留言:
張貼留言