尋晚早休息
今日一早起身精神爽利
趁住今日好天氣
我地就去探下 d 水豚先
爸爸咁耐架, 化咩妝呢
等到我肚仔餓, 食個麵包再出發
我地今次無租車
但行去坐 JR 都好近好方便
個論盡媽咪無帶西瓜咭
所以每次坐車都要買票
點解咁耐都未有車架
Heheeee......我份人係好心急嘅
入公園前要買票先
國營嘅公園門票好平
地方又超大
真係一日玩唔晒架
入到去之後就有單車租
強烈建議一定要租囉
因為地方真係好大架, 會行死架
我地諗住去租單車
呢個小朋友一支箭咁衝去布景板影相
租單車嘅價錢都好便宜
揀好車就出發喇
雖然太陽伯伯出左黎
但係 d 風吹埋黎都好凍架
尤其喺樹蔭嘅地方
所以都係戴番頂冷帽穩陣 d
前面 600m 就係我地嘅目的地喇
動物之森
呢 d 無太陽嘅地方好鬼凍呀
本來係去動物之森
點知霆霆經過見到呢度又話要去玩
呢邊係水邊遊樂區
想行過對面就要行呢 d "樁"
要好小心架
咁嘅天氣跌落水就真係大件事
另外仲有呢個方法過河
但呢 d 全部都唔太啱霆霆玩
於是我地又再去另一個地方玩
Yeah~~~終於到左呢個大遊樂場
上一次黎嘅時候落雨無得玩
今次應該無問題喇掛
但係點解欄住左架呢?
我地真係好黑仔囉
上次就落雨, 今次就維修
咁我地就唯有玩呢個彈床啦
不過好彩, 霆霆淨係跳呢個彈床都已經好開心
玩到唔想走
仲趴喺到 SIR 落黎添
之後諗到新玩法
就係 "滾" 落黎
玩到襪都除埋
唔理只得 2-3 度
玩到咁上下
對眼終於望到其他野
見到車仔又話想玩
依家好醒架喇
識得問我地攞錢
大個仔, 要自己入錢, 唔比人幫
有車仔揸好開心
但係玩得好短時間就停左
見到麵包超人車仔唔使講
佢一定會坐上去玩下
呢 d 車仔佢坐下就夠
唔使入錢都已經開心
玩到差唔多, 要食 d 野先
咁凍嘅天氣食碗熱辣辣烏冬真係好正
連平時唔食熱野嘅霆霆都趁熱食呀
被風吹到鼻哥仔都紅晒
問佢食唔食腸嗰陣又話唔食
見到我買左又舔晒脷
食緊野嘅時候
竟然比我發現呢部扭蛋機
超正囉, 入面 d 公仔係 block labo 黎
尋日去麵包超人博物館想買都買唔到
仲只係需要 200 yen
第一個就比我扭到河馬仔
總成績係 5 個
仲欠兩個囉
好後悔無扭齊佢呀
食飽又繼續去玩
呢個仔好精, 成日話累唔行
留番 d 力黎玩
坐穩又去第二度玩喇
嘩...呢到有 sir 滑梯, 好似好好玩咁
霆霆已經好似著左迷咁
唔等我地就自己行左去
之後仲自己上埋去添
呢條 sir 滑梯都幾直
又要 baba 陪住佢玩
sir 落黎之後好似有少少驚
自己試行獨木橋
又係幾叻仔 wor
超長 sir 滑梯
玩完之後話好好玩
跟住唔理我地兩個老人家
自己又走左上去再 sir
玩到連廁所都唔捨得去
好彩附近就有一個
唔係瀨濕左就煩喇
小朋友好奇心好強
所有野都要玩下試下
玩完一次又一次
已經數唔清佢玩左幾多次
仲玩到手都舉起埋唔使扶添
又再試下玩呢個先
ok wor, 幾開心咁
今次自己黎
Aiya.....未準備好就比爸爸掉左落去
結果成個人 sir 埋落地下
扁晒嘴話嬲爸爸
時候唔早, 我地仲要去探小動物
但係呢個小朋友玩到唔肯走
我地唔理佢繼續行
佢無奈地都要跟住我地啦
但係一邊行都一邊話要繼續玩囉
不過時間上真係唔容許喇
d 小動物好肚餓等緊我地比野佢食架
我地要快 d 行喇
沒有留言:
張貼留言