抖足精神嘅爸爸
一早就落去拎早餐上黎比我地食
呢間酒店係包早餐架
雖然唔係好豐富
只有普通麵包, 咖啡, 果汁同湯
但簡單食少少都唔錯
呢個少爺起床氣好勁
要攤一輪先會講野同食野
食飽就出發喇
行落後面街就係 JR 站
小朋友淨係喺車站跑已經好開心
我地今日會去橫濱搵霆霆個偶像
天氣好好呀, 唔凍又唔熱
係唔係每個小朋友都好中意掹扶手架呢
到左橫濱
霆霆見到佢好中意嘅白鴿
又追左一陣
沿途都有太陽伯伯照住
好溫暖
經過公園, 玩一陣先
終於到左麵包超人博物館喇
大小同價, 每人 1500日元
其實都唔平
咪咪一入到去就有 d 失望
因為地方好細
同福岡差好遠
不過對霆霆黎講影響唔大
一樣係玩得咁開心
同日本小朋友一齊排隊玩 sir 滑梯
原來眨下眼霆霆已經長大左好多
我比錢佢去買爆谷桶
佢自己識表達買邊一款
買完個姐姐會響鈴鈴
又係時間食 d 野補充體力
上次買烏冬無買埋個碗
今次爸爸醒左
呢 d 香口野最合霆霆心水
食完又繼續玩
我發覺小朋友係無語言障礙架
每次同日本小朋友一齊玩都溝通到
玩完就去 shopping
之後行出去竟然見到咖哩包超人
霆霆太有禮貌
比 d 日本小朋友撞開左
傻人有傻福
咖哩包超人之後竟然淨係攬佢一個
開心到佢傻左
麵包超人博物館實在太精彩
霆霆玩到唔肯走
但我就想去多一個地方
唔想浪費時間喺同一個場
所以都係呃左佢出黎
一出去就要抱訓覺啦
辛苦爸爸喇
沒有留言:
張貼留言