放低行李抖左一陣
我地就出發去湯川公園
睇左佢個位置係搭一個電車站
開頭以為會好近啦
點知出發前再 google 下
原來落車要再行 18 mins 囉
坐車就只需要 10 mins
所以最後我地決定"坐的士"
呢個公園都真係幾大
不過就隔涉咗 d
自駕或者住附近嘅過黎玩就好好多
就係為左呢條長 sir 滑梯先黎呢度
因為喺香港無機會玩
雖然係好凍
但係有得玩就咩都唔理
趁住天未黑
要快 d 走先得
因為行出去搭電車都要差唔多 20 mins 路程
行到隻野咁......
終於見到個車站
車站好靚
但人都唔多個
班次仲幾疏添
但有個地方可以比你坐下等車
又暖又舒服
頂冷帽係咪好靚呢
係霆霆舅母織比佢架
返到去王子 outlet
只得幾間食肆比你選擇
我又凍又餓
要食 d 熱野先得
霆霆就 order 左個兒童餐
我餓到一個人可以食晒個石頭飯
轉個頭有個哥哥拎住盤玩具比霆霆揀
霆霆見到雙眼發光
但只可以揀一樣
牛王仔就揀左水槍
邊食邊玩好開心
食飽飽想訓
咁就好喇
快 d 訓等我兩老可以食下宵夜
買定 d 杯面零食同麵包
沖完涼好開心咁喺屋仔跑來跑去
一早就訓著左喇
自霆霆出世後
首次....堅係首次
屬於我兩人的浪漫宵夜時間
要好好珍惜
食完就要睇定 outlet 有 d 咩想行
因為地方太大
店舖又收得早
而且我地都無咁多時間行
一定要快狠準先得呀
沒有留言:
張貼留言