今日原定行程係去新宿同其他地方行街
比爸爸咪咪買下野啦
唔知係咪前兩晚食太多炸野
霆霆有幾聲咳
即時比 d 藥水佢食
但食左藥 on 居居咁
我地 11點幾先可以出發
唯有淨係去新宿算啦
呢個仔好作狀架
少少燦眼呢就動作多多
中午都黎緊
仲打喊露
每次去車站就要同爸爸玩匿埋
去到新宿是但同佢去左一間百貨公司
見佢 on 居居咁
等佢玩玩具精神下
每日一扭蛋
霆霆好中意食蛋糕
又好中意"小雞過生日"繪本
所以每次經過 d 蛋糕櫃前都會話:小雞過生日
仲要我地買蛋糕
剛巧遇著百貨公司做緊食品節
我地就買左 d 野食當午餐
個婆婆好好人
見到細佬仲送一串鵪鶉蛋比佢
又估佢唔到咁好食WOR
我地食完又再買
食完就比霆霆拖左去玩具部
左玩玩右玩玩
淨係睇下玩下都可以超過一小時
街頭賣唱
呢副釣魚玩具其實係考爸爸媽媽
因為霆霆釣完
我地要將佢還原
都真係唔簡單
一玩完又陷入昏睡
到我兩老要休息下
去飲杯茶食件餅先
晚餐我地去左六歌仙
早一星期先訂位
揀左月之宴
d 牛舌真係好正囉
嗯....我覺得我地都太客氣
叫野叫得唔算多
食得太慢
肉都係比較滯
我地食得唔多
但係蟹就食多多都仲得呀
好大膽嘅小朋友
係都要飲我杯無酒精啤酒
諗住比一啖佢飲
覺得苦就唔會再飲
點知飲完追酒飲.....
梗係唔會再比啦
飯後甜品
食到尾聲嘅時候
有個小朋友好曳
係咁扭計要食雪條
又扭計要走
如果唔係佢有 d 唔舒服
我唔會咁嚴唔比佢食雪條
我好驚佢喺旅行期間病囉
之後嗰日仲要去玩雪架嘛
所以我地堅決唔比佢食
可能佢又眼訓啦
講極唔聽
最後激到爸爸要教訓佢
要佢舉高雙手面璧
勁多人望住我地囉
個衰仔返去沖完涼就話肚餓
好彩我喺西松屋買左包即食烏冬
都可以頂一頂肚
沒有留言:
張貼留言