瞓左一覺好嘅
一早起身可以落去食個早餐先
免費早餐就喺一樓西餐廳
有個專區係比小朋友拎野食
霆霆依家大個仔喇
識得自己去斟奶飲
拎左佢最中意嘅薯餅
呢 d 煎炸熱氣野佢就最 like
見佢食咁多熱氣野真係怕左佢
比 d 鮮榨西瓜汁佢飲
希望無咁熱氣啦
呢度 d 早餐真係好豐富
超級多選擇
連果汁都係現場鮮榨架
食飽就周圍行下先
我地諗住試下行去酒店個沙灘
沿途經過酒店泳池
環境真係唔錯
其實個海灘喺對面馬路
一直諗緊點樣可以直接行到去
原來佢下面有條通道過去
就係呢條路啦
天氣都少少涼
我地無準備玩水
淨係玩下沙都幾好
旺季過左
連沙灘嘅 bar 都無人
中午嘅天氣明顯比早上暖好多
返去換過件衫先出動
酒店附設 pet house
主人可以帶埋寵物去都幾好
雖然唔可以一齊瞓
但起碼出去玩都可以帶埋佢地丫
駕車的話酒店有免費泊車
超級方便又慳錢
今日第一站......鹿境
其實諗住喺墾丁住兩日都係因為會黎呢度
好難得唔使去日本
喺台灣就有梅花鹿同你咁近距離接觸
仲可以餵食添
我地去買入園券先
入面仲有好多紀念品賣
我地兩個大人買全票
霆霆 3 歲免費
每張入園券都有優惠券
有優惠三選一
1. 換一份飼料
2. 一杯飲料半價
3. 優惠價購買紀念品
入園前有 d 地方要注意
所以會有專人同我地講解左先可以入去
尤其我地有個咁細嘅小朋友
千祈唔好奔跑
否則佢地以為你同佢地玩
會撞到造成危險
哇....佢地真係好可愛
Baba 就同霆霆示範下點樣摸鹿仔
熟悉左佢地之後
我地就去換飼料喇
不過呢個時間只有牧草可以換
d 鹿一見到食物就走晒過黎
哈哈, 霆霆仲比隻鹿舔左一下
小朋友餵牧草比較安全
容易拎住, 又可以保持距離
我另外買左一桶紅籮蔔
Baba 拎住安全 d
因為 d 鹿見到會撲埋黎
出面呢 d 鹿好識食
可能比較多人餵
唔新鮮嘅牧草唔食
相反呢 d 喺圍欄入面嘅鹿
連牧草都爭住食呀
紅蘿蔔一出, 條頸伸得幾長呀
佢地好似餓左好耐咁
霆霆見我地餵紅蘿蔔佢又想餵
好好笑囉, 佢又驚又想餵
不過都係餵鹿仔 bb
應該都唔會好驚
餵完鹿仔出去參觀下
洗手間都整得幾有特色
呢個仔唔知點解
最近都唔係幾中意影相
好勉強咁先肯比我影一張相
其實呢度地方唔係好大
不過可以體驗下餵鹿
我覺得好值得黎
沒有留言:
張貼留言