等 baba 去還完車返黎
我地又再出動 lu
懶人 baba 連的士都懶截
我地出入都係 call uber
而且 uber 嘅價錢都好平
今日我地會去夢時代
一個好大型嘅購物商場
但係我地完全無時間行
因為所有時間都係霆霆嘅
我地首先去兒童嗰層
霆霆見到 Pororo 好興奮
見到咁得意嘅恐龍仔佢又話要騎
我怕醜唔敢玩, 得佢兩仔爺玩
化身鋼琴王子
乜都要玩一餐
之後比霆霆發現呢個地方
"遊戲愛樂園"
真係不得了
見價錢唔貴
就比佢玩下啦
其實呢 d 地方係比你玩足全日
肚餓或者想行下可以出去
一陣又可以再入番黎
真係好好
入到黎有個大型玩具超市
有好多唔同種類嘅食物
可以比小朋友學習下食物嘅名稱
仲可以比佢地感受下 shopping 嘅樂趣
成個 C9 仔咁, 推住架車買餸
睇佢個樣, 以為自己真係喺超市
仲要買牛奶添
呢個"遊戲愛樂園"唔算好大
佢有 d 分店係超大
不過已經好夠霆霆玩
黎呢度嘅小朋友個個都係玩到唔想走
霆霆都唔例外
但我地仲有個地方要去架
唔可以喺度玩晒 d 時間
我地去左恐龍探索樂園
入到去好似有少少中伏
但係一場去到就算啦
買票呢 d 野梗係叫 baba
我最鬼論盡架喇
恐龍探索樂園喺夢時代頂樓
可能夜晚嘅關係
無乜人咁
安排呢個行程嘅時候
睇左好多 blog
見人地介紹唔錯架
呢 d 遊戲要另外收費
小型摩天輪
買左套票唔好浪費
我地玩呢個"穿梭冒險谷"
只係坐喺火車仔上
喺恐龍公園行一個圈
之後又玩左呢個"飛越冒險谷"
呢個真係唔荒唔飛越
霆霆同 baba 坐一架
我自己踩一架
一踩出去
嚇死我囉
雖然距離地面唔算話好高
但我已經好驚
再加上呢度係百貨公司頂樓
望出去係超高囉
我真係驚到唔敢踩
但係唔踩停喺度係唔會完囉
硬住頭皮踩返去
最後我地玩埋呢個"叢林公投王"
第一次當 baba 擲跌晒 d 罐時
我以為有個大獎 peppa pig 啦
點知原來要落晒坑先計
有個細獎都好啦
原來係 Brown 同 Sally
呢個仔餓到等唔到烏冬
紫菜白飯都要食先
大個仔識幫我地磨芝麻
終於有餐好食喇
每次同細佬去旅行都係無啖好食
食完飯就話要返去米奇老鼠城堡
反正我地同佢一齊都無可能行街架喇
早 d 返去沖涼訓覺都好
沖完涼又繼續玩
玩到唔捨得瞓覺呀
沒有留言:
張貼留言