餵完鹿仔諗住去揸下"甩尾車"
點知我地駕車經過麥當勞
霆霆又話要去食野
每次去麥當勞都係買開心樂園餐
因為有玩具嘛
咁啱台灣麥當勞有 Tomica 車仔送添
真係好正
可惜我地只逗留幾日
無得儲晒全套
食飽飽就去揸車喇
首先要戴左頭盔先
仲要戴眼鏡同口罩
皆因霆霆會同爸爸玩越野車呀
墾丁呢幾日都超大風
會有好多沙塵
安全起見, 佢地會要你戴眼鏡同口罩
霆霆坐前面好緊張咁扶實
準備開始喇
個姐姐會帶我地一段路先
睇下我地有無問題
如果 ok 的話
仲會帶我地衝斜坡
估唔到一開始個姐姐已經叫 baba 衝斜坡
呢條橋我都擔心霆霆會驚
不過竟然佢無事
衝完一條又衝另一條
呢條車呔路好"登"
其實呢度叫墾丁恐龍賽車場
所以賽車場中間會有 d 恐龍喺度
原先 baba 想玩 go kart 車
但係霆霆唔比我地玩
唯有放棄
先前我已經陪霆霆玩左一次 Mario 甩尾車
佢話好好玩
又要玩多一次
其實霆霆可以自己控制軚盤
我地幫佢踩油門就 ok
扮冠軍影相
玩完之後累晒
上車之後極速瞓著
我地趁呢個機會可以遊下車河
去一 d 之前無去過嘅地方
本來想落去影兩張家庭相
但真係大風到不得了
只好作罷
隻小鬼醒左之後
一直話要返去酒店玩
見未夠鐘食晚飯
就比佢返去玩陣啦
有波波池玩, 成個開心晒
下午時間, 可能 d 小朋友去晒去玩
遊戲區呢度無乜人
行出去搵食
見到我地最愛嘅臭豆腐
我地點會放過
雖然唔算得上好好食
但我地已經好滿足
睇個樣好似好吸引咁
買一份試下
味道都唔錯
不過有少少韌
但霆霆竟然話好味兼食到
行完成條墾丁大街都唔知食咩好
霆霆又話想食蝦
我地就入左一間熱炒店
霆霆一個人差唔多食晒成碟蝦
我地就另外叫左幾個餸
一個炒飯
估佢唔到囉, 竟然話個炒飯好好味
食完飯又返去酒店玩
經過見到呢隻 monster 話要同佢影相
仲話要食佢杯雪糕
睇下佢幾急要跑去遊戲區
其實遊戲區離我地房好近
行出去落一層就係
唔使 1 分鐘
仲開到夜晚 11 點添
大把時間玩
今晚仲有活動添
就係有姐姐講故事
霆霆聽完姐姐講故事之後
就跟住姐姐出去跳舞
其實大家言語不通
我無諗過佢會有心機聽晒姐姐講兩個故事
但出奇地佢又明又留心 wor
之後仲跟住跳舞添
佢真係好中意呢度
好忙咁玩完呢樣玩嗰樣
之後仲有 bingo 遊戲
中左就有獎品
哈哈, 大獎無我地份
姐姐另設 3 個特別獎
今次好彩中左
獲得恐龍蛋一份
玩完我地都差唔多要走 lu
返去執定野聽日要出返去高雄喇
沒有留言:
張貼留言