離開九州自然動物公園
細佬一上車就訓著左
我地就直接去熊本 check in 先
之前由福岡去大分
我地全程行高速公路
爸爸話駕車駕到悶
所以我地去熊本
爸爸話行下山路唔好行高速
點知人算不如天算
行山路去熊本時遇著超大雨
唔大雨時又超大霧
條路又因為之前地震仲整緊
嚇到我差 d 以為自己會客死異鄉
駕左差唔多 3 小時
終於叫做到左熊本
但距離我地目的地仲有一段路程
肚餓再加上面前嚴重塞車
所以我地經過一間壽司店時
就決定停低休息下食 d 野先
細佬第一次見到新幹線速遞壽司
覺得新奇又好玩
未夠兩歲嘅佢
我唔放心比佢食壽司
叫左份蕃薯比佢
但係超級無敵甜囉
成個面都係糖.....
無乜野啱食
大解放任食薯條
今次去熊本
本來諗住訂阿蘇
想試下嗰 d 好得意嘅蒙古包屋
望下個價錢
打左個突
都真係頗貴
而且 check out 時間好早
最後都係放棄左
亦都係不幸中之大幸
之後因為地震
阿蘇嗰邊封左
如果訂左房都唔知點算
結果咪咪我都唔算孤寒
book 左熊本 ANA Kumamon 主題房
熊本有 3 間酒店有熊本熊主題房
呢間 ANA 我覺得價錢合理 d
全個樓層都係主題房
長廊有好多本部長歡迎你
細佬入到房就異常興奮
梗係啦, 成間房都係熊熊
我見到都開心啦
孭住櫃檯姐姐比嘅袋仔巡房
要同熊熊一齊合照
成間房都係以熊本熊做裝飾
水同埋毛巾仔係送比你嘅
小朋友牙刷毛巾
搬晒 d 熊去梳化大合照
呢個係細佬傑作
係爸爸咪咪貓哥哥同埋佢自己
好可憐嘅熊熊
除左一般沐浴露以外
仲提供敷眼同埋入浴劑
check in 後想出去買 d 宵夜食
順便行下街
落到去 lobby 先知原來接駁巴士暫停
咁算啦, 自己喺周圍行下就算
點知出面＂靜英英＂咁
咩都關晒門
結果我地駕車出去市中心買野食
又塞車．．．．
可能落雨啦
是是但但去便利店買左 d 野食就返去
沒有留言:
張貼留言