喺熊本過左兩晚
今日我地就返去福岡作最後衝刺
有咩想買未買就要趁最後呢兩日喇
好多人可能覺得我地九州只去兩個地方咁少
其實我一 d 都唔介意
我個人好懶
好怕要我晚晚換酒店
我情願慢慢玩輕鬆 d 好過
何況要帶埋條化骨龍
我更加要預多 d 時間
睇下佢......
夠鐘 check out 個樣都仲未醒
想玩多幾個景點都唔得啦
熊本都有西松屋架
西松屋基本上係媽媽必到嘅地方
泊好車我地就入去入貨喇
我真係大開眼介
連 BB 都有蝦條
時間關係, 速戰速決
每次去入貨嘅地方
都係靠爸爸陪住細佬睇玩具
我先可以買野咋
買完野就即閃
天意.....
原先尋日諗住食"勝烈亭"
點知地震關係要重新裝修
所以暫停營業
本來好失望
點知.....
就喺西松屋斜對面有間
營業中呀......
嗯, 難得可以食
唯有放棄原先安排好嘅季樂
反正我地無訂位
d 蝦好大隻好新鮮
連埋兩支啤酒先 5,335 yen
好抵食
黎到 Tosu Premium Outlet
阿少爺無心機行街
係咁阻住你睇野
我地又要分頭行事
一個陪佢玩同食
另一個去放血
好彩呢個計劃好成功
我地大家都有戰利品
上車又可以叉電
到福岡 lu
喺還車附近入油
爸爸送左我地返酒店先
自己再去還車
都係同一間酒店
但房型係高一級
起初貪佢有 sofa 可以比細佬坐下玩得舒服 d
但結果房間好似仲細左咁囉
晚餐去左天神食おおやま(Oyama) 牛腸窩
開頭見到咁肥
心諗死啦, 咁肥點食
點知一試難忘呀
好味得好緊要
好肥好肥, 但入口唔肥
之後仲唔夠食
叫多碟鐵板嘅牛腸
呢碟野就差一截喇
食呢 d 點可以無啤酒呀
我好乖架
無酒精我先飲
見我地食枝豆又想試下
老積仔仲要一齊 cheers~~~~
飲飽食醉之後就行下地下街
再轉戰屋台
睇下有無野啱食
不過行左陣就開始落毛毛雨
都係返酒店休息下算
Outlet 戰利品
一家三口都有收穫
西松屋戰利品
食埋個宵夜
又一日過去喇......
沒有留言:
張貼留言