住得方便就係唔同
玩完可以返酒店放低野
休息一陣再出動
經過車站附近商場
有間吉野家
爸爸話入去食少少野先
其實我本身麻麻地中意食吉野家
既然爸爸想食就陪下佢啦
爸爸叫左呢個最普通嘅牛丼
佢話好食過香港好多
我就叫左呢個細嘅鹽燒牛丼
好似係限定嘅
唔係成日有
開頭諗住叫細都咁大碗架
我實食唔晒囉
結果.......清晒
實在係太好味喇
埋單連稅 1140 yen
食完仲有 coupon 送
呢款烏冬細佬好中意食
可能玩完好肚餓
一次食左兩包
爸爸就落去下面拎免費咖啡比我飲
咖啡同其他飲品例如朱古力係全日免費任飲架
第一晚到步唔夠時間行
今日再去返博多站周邊行下
Tokyu Hands, Amu Plaza, 阪急百貨都喺呢度
一個負責細佬
另一個去行街
行到累累地
諗住帶細佬上黎 Amu Plaza 頂樓坐小火車
黎到先發現無開.......殘念
唉....今次旅程遇著落雨真係玩少好多野
無小火車坐都要坐坐休息下
好在呢度好多凳比人休息
飲包 jelly 抖一抖
晚飯前諗住陪爸爸行下 Yodobashi
點知入到去發現佢係非一般電器舖
實在係太太太多野買喇
我捨棄左唔睇美容電器
爸爸又無睇電玩
我地陪住細佬喺度睇玩具
3/F玩具樓層
細佬見到咁多扭蛋機開心到嘩嘩聲
單車任踩
細佬玩到都唔想走
兩父子仲一齊駕車
乖仔無忘記咪咪
叫我坐嗰部一齊玩
行到人地舖頭都要關門
輪都輪到我地兩老去食晚飯啦
呢度 4 樓就有餐廳
近近地喺呢度解決就算
結果係無論你去到邊
都係小朋友玩樂嘅地方囉
食肆外面竟然有一個小型兒童樂園
真係諗得周到
細佬見到又唔理咁多
坐左上去先
反正都要等位食飯
就由得佢玩下先啦
咁橋嗰陣有個香港家庭都係等位食飯
細佬就同呢個同鄉小朋友一齊玩喇
我地揀左去食燒肉放題
有 55 款 同 88 款選擇
其實價錢只係相差少少
食物質素唔係話好高嗰隻
但就好方便我地
食完行返去都係 5 分鐘左右
落雨都唔使驚
最後食埋甜品
大滿足
今日又係精彩又開心嘅一日
細佬心情非常好
最後一晚喇
發個好夢聽日就要返香港喇
Goodnite
沒有留言:
張貼留言