第四日行程
原先 plan 左去阿蘇農莊
又係去唔成
唔緊要
我地訓晏 d 先出發
雨不停, 由尋晚落到依家
好在酒店行出少少就已經有電車搭
今日全日都打算喺下通町附近行下百貨公司
所以無駕車出黎
等左一陣就有電車
好快就到左通町筋站
我地嘅目的地鶴屋百貨就喺呢度
今日主要去搵 Kumamon 部長
Kumamon 部長未夠鐘返工
我地食埋飯行一陣街先再搵佢
原先經過一間餃子店想入去食
不過店舖入面好多人
而且睇落唔方便帶小孩
咁就搵過一間坐得舒服 d 架啦
日本 d 餐廳真係是但入一間都好好食
食飽飽行下先
出面仲落緊雨
差唔多時候要去搵 Kumamon 部長
因為好多小朋友會去搵佢架
我地提早半小時去排隊
工作人員見到我地帶住小朋友
特別安排我地坐第一行
Kumamon 部長出場喇
首先同小朋友們打招呼同 high 5
細佬都唔放過機會
Kumamon 部長除左同大家互動
仲會表演跳舞
佢真係好活潑可愛又鬼馬
(同埋好咸濕)
細佬代 Kumamon 部長返工
睇完表演諗住行下百貨公司啦
點知百貨公司有個咁好嘅地方
免費比小朋友放電
咁就好
我同爸爸可以一個睇住細佬
一個去行下街
呢個遊戲區好大好多野玩
玩到細佬唔捨得走
原來部長識彈鋼琴
行行下見到間居酒屋咁嘅地方
啱晒我地口味
睇下有 d 咩食先
其實我地只要係燒
基本上全部都啱食....除左魚
望下 d 價錢仲好平
正正.....又可以飲啤酒喇
好靚嘅沙律菜
鹽燒汁燒我地都叫左 d
連奄尖仔都食得咁滋味
唔使多講都估到有幾好食
多多都唔夠食
order 完又再 order
不過佢地收舖收得早
都唔好意思阻住人地
買左 d 生果同杯麵返去宵夜
沖完涼又睇 ipad
年紀輕輕就咁識嘆
呢個日版蟹味杯麵超正
我返香港買港版味道唔同囉
沒有留言:
張貼留言